Kuch aur naye pal aur vahi purana ehsaas.

Vo pal kuch naya tha jab tumhe apni duniya banaya,

Choti choti baaton se sapnon ka ghar banana,

Tumhare haath lagane par dil ka tham jana,

Tumse milne ke intezaar me koi dhun gungunana

Aur vo teen shabd sunke khushi se jhoom jana

Vo pal bhi naya tha jab tumhe khone ke darr ne humein samaya,

Par vo ehsaas to purana tha jab aansu chaha kar bhi na tham sake.

 

Vo pal kuch naya tha jab tumhare saath me hi khushi thi,

Tumhare ehsaas se har pal meetha tha

Aur tumhare bina har haseen pal bhi pheeka

Tumhari baton pe sharmaana bhi naya tha

Aur sharmaa ke vo haath pakadna bhi,

Vo pal bhi kuch naya tha jab tumse dur jaane ke gam ne humein sataya,

Par vo ehsaas to purana tha jab aansu chaha kar bhi na tham sake.

Vo pal kuch naya tha jab zindagi ke in palon me khushiyan to bahut thi,

Par inhe bhoolne me hi achaai thi,

Vo pal kuch naya tha jab khushiyan daaman me sama na paayi,

Par gam ne aa kar fir jholi khali kar dee,

In sab naye palon me, vahi purana ehsaas…

Jab aansun chaha kar bhi na tham sake.

P.S. similar to the last one, but on a different topic.

Kuch naye pal aur vahi purana ehsaas.

Vo pal kuch naya tha jab vo humein chod ke gayin,

Vo khaali ghar me unhe dhoondna,

Unki hansi ko yaad kar, vo chup chup ke rona,

Unki god me sar rakhne ke bahaanon ko yaad karna,

Sab kuch naya tha,

Par vo ehsaas to purana tha jab aansu chaha kar bhi na tham sake, 

Vo pal kuch naya tha jab gir ke uthne ki chaha to thi,

Par shayad uske lie takat nahi thi.

Vo pal kuch naya tha, jab zindagi tham si gayi thi,

Par aage badhna zaruri tha.

In sab naye palon me, vahi purana ehsaas…

Jab aansun chaha kar bhi na tham sake.

P.S. another one of my firsts… writing in hindi! Hope it’s good!

And yes, you guessed it right, I’m in a sad poetic mood.